Unseri Gschicht het aigentlig amene ganz andere Ort aagfange, denn obwohl mir baidi im Basler Frauespitel zur Wält kho sin, hämr uns damals nonig kenne begegne. Nohdäm mr baidi e sehr scheeni Kindhait hän deerfe erlääbe, uns im Teenager Altr usstoobt und spöter so richtig sLääbe gfiirt und zelebriert hän, simr uns zem erschte Mool 2002 bi SBB Cargo begägnet. Deert isch es denne zue däm Urknall kho bim Jooreswäggsel 2003 / 2004 und Herzkiss het si Lauf gnoh!

dr Martin, hets zur richtige Zyt au zuefällig zue SBB Cargo verschlage. 2002 het är deerte die hübschi jungi Frau - ebe dCatia - inere Rauchpause aatroffe und isch eso serschte Mool ins Gspröch kho mit ihre. Langi Zyt sin die beide leediglig Arbetskollege gsi wo sich eifach guet verstande, mitenander plauderet hän und sich symphatisch gsi sin. 

Doch mängmol isch s'Schicksal gnädig, s'Umfäld stimmt und sälbscht Amor isch zu Höggschtleischtige uffgleggt. Uss ere Frindschaft sin Gfühl und Zueneigig worde. Pausene sin länger gsi und dCatia und dr Martin hän sich inenand verliebt. Am 9. Jänner 2004 sin denn zwei separati Läbensabschnitt beändet worde und ai gmainsame het aagfange - Herzkiss isch gebore!

Fir beidi het e sehr glüggligi Zyyt aagfange, vonere harmonische Gmeinsamkeit, dennoch sin Schicksalschleeg nid ussblyybe, das het die beide nur no meh zämmegschwaisst und veraint. 

Am 5. Juli 2008 - eigentlig scho viel eher plaant (aber d'EM het sich laider nid verschiebe loh) - het dr Martin sinere Catia im Joggeli dr Hüürotsaatrag gmacht. Am 22. August 2008 hän beidi an dr zivile Trauuig in Binnige e wyyters Mool Jo zunand gseit. Am 13. Juni 2009 denn e dritts Mool an dr festlige Zeremonie uf em scheene Buurehof vom Oser Pius in Schönebuech.

Jä und bis hüt lääbe si zämme und gniesse e jede Daag wo si kenne zämme si, hört sich für dr eint oder ander kitschig aa - es isch aber eso!